വികലമോഹം

അന്ധന്‍ മനോഹരമീ ഭൂമി കാണാനാഗ്രഹിക്കുന്നു
ഇവിടെ കനലെരിയും ഭൂമി
മൂകന്‍ എന്തോ മൊഴിയാനാശിക്കുന്നൂ
അഭിപ്രായങ്ങള്‍ക്ക് പകരം ശിരസ്സ് കാണില്ല
ബധിരന്‍ ഭൂമിയുടെ സംഗീതം ശ്രവിക്കാന്‍ മോഹിക്കുന്നൂ
ഇവിടെ നിലവിളികളും കൊലവിളികളും മാത്രം
മുടന്തന്‍ മെല്ലെമെല്ലെ ചലിക്കാനാഗ്രഹിക്കുന്നൂ
പുറത്തിറങ്ങിയാലിവിടെ രക്തം ചിന്തും
കരമില്ലാത്തവര്‍ ഭൂമിയെ സ്പര്‍ശിക്കാനാശിക്കുന്നൂ
കനലെരിയും ഭൂമിയെ തൊട്ടാല്‍ പൊള്ളും
ജീവിക്കുന്നു മനുഷ്യന്‍ വെറുമൊരു ശവം കണക്കേ..,
ആംഗന്‍ ഇവിടെ വികലാംഗനാവുന്നൂ...
പിന്നെന്തിനീ അഭിലാഷങ്ങള്‍....?