പ്രതിമകൾ

പ്രോഗ്രസ്സ്

പ്രോഗ്രസ്സ്:കവിത
ഷരീഫ് അകലാട്

കുത്തക മുതലാളിയുടെ
കൂറ്റന്‍ കെട്ടിടത്തില്‍ നിന്നും
കൊള്ളലാഭം കൊടുത്തു
ഉണ്ടുമുടുക്കാനുമെടുത്തിറങ്ങി വരവേ
കൈനീട്ടിയ ഭിക്ഷക്കാരനോട്
ഒമ്പതു തന്നാല്‍ പത്ത്
തരാമെന്ന് കണ്ടീഷന്‍...
തൊടിയിലലസമായ് കിടന്ന
അവശിഷ്ടങ്ങള്‍ പെറുക്കികൂട്ടിയ
പാട്ടാക്കുപ്പിക്കാരനോട്
ബാര്‍ഗെയ്നിംഗ്...
ഭ്രാന്തു പിടിച്ച തലമുടികള്
പേരു ഫ്രീക്കണ്‍...
ദാരിദ്ര്യം  കുടിയേറിയ വസ്ത്രങ്ങള്‍
നാണം മറച്ചു പഠിച്ച നാരിക്ക്
നാണമില്ലാതായിരിക്കുന്നൂ...
നേരം കളയാന്‍ ഫേസ്ബുക്ക്
വയറു നിറയ്ക്കാന്‍ ഫാസ്റ്റ്ഫുഡ്
വിവാഹം സ്ത്രീധനം കൊണ്ട്
വിഴുപ്പുകള്‍ ഭാര്യക്ക്
ശകാരങ്ങളും ബോര്‍ഡിംഗും മക്കള്‍ക്ക്
മാതാപ്പിതാക്കള്‍ക്ക് വ്രിദ്ധസദനം
ജീവിതം ചെകുത്താന്
ദൈവത്തിന്റെ കണ്ണു തട്ടാതിരിക്കാന്‍
ഇടയ്ക്കിടെ ഭണ്ഡാരങ്ങളില്‍ ബ്രൈബിംഗ്...
അതു ചെയ്തു തന്നാല്‍ ഇത് ചെയ്യാമെന്ന്
ദൈവത്തോട് ഡിമാന്റിംഗ്...
പ്രാര്ത്ഥിക്കാന്‍ പുരോഹിതര്‍
വിവാഹവിരുന്നുകളില്‍ ഭക്ഷണത്തിനായ്
പാത്രവുമെടുത്തു ബെഗ്ഗിംഗ്...
ഇരുന്നു തിന്നിരുന്നവന്‍ കാലിയെ പോല്‍
നടന്നു തിന്നുന്നൂ...
നാലാളുകൂടുന്നിടത്ത്
"കുരച്ചു കുരച്ചു മലയാലം"
മരണക്കിടക്കകരികിലും
ശവസംസ്കാരത്തിനടുത്തും
കുഴിമാടത്തിലും വരെ
സെള്‍ഫീ...

ഇങ്ങനെ നീളുന്നൂ
സമ്പൂര്‍ണ സാക്ഷരസംസ്കാര സമ്പന്നതയുടെ
ശവസംസ്കാരങ്ങള്‍....

C.H Akalad

Shanus on his Scooter