അന്ധന്‍ മനോഹരമീ ഭൂമി കാണാനാഗ്രഹിക്കുന്നു
ഇവിടെ കനലെരിയും ഭൂമി
മൂകന്‍ എന്തോ മൊഴിയാനാശിക്കുന്നൂ
അഭിപ്രായങ്ങള്‍ക്ക് പകരം ശിരസ്സ് കാണില്ല
ബധിരന്‍ ഭൂമിയുടെ സംഗീതം ശ്രവിക്കാന്‍ മോഹിക്കുന്നൂ
ഇവിടെ നിലവിളികളും കൊലവിളികളും മാത്രം
മുടന്തന്‍ മെല്ലെമെല്ലെ ചലിക്കാനാഗ്രഹിക്കുന്നൂ
പുറത്തിറങ്ങിയാലിവിടെ രക്തം ചിന്തും
കരമില്ലാത്തവര്‍ ഭൂമിയെ സ്പര്‍ശിക്കാനാശിക്കുന്നൂ
കനലെരിയും ഭൂമിയെ തൊട്ടാല്‍ പൊള്ളും
ജീവിക്കുന്നു മനുഷ്യന്‍ വെറുമൊരു ശവം കണക്കേ..,
ആംഗന്‍ ഇവിടെ വികലാംഗനാവുന്നൂ...
പിന്നെന്തിനീ അഭിലാഷങ്ങള്‍....?
വേണമൊരു മാതാവ്.......
ആ മടിയില്‍ തല ചായ്ചുറങ്ങാന്‍
കൈവിരലാലൊരു തലോടലേല്‍ക്കാന്‍
ഇരുളടഞ്ഞ വഴികളില്‍ പ്രകാശമായ്
ഉറങ്ങാത്ത രാത്രികളിലൊരു താരാട്ട് പാട്ടായ്
തഴുകിയുണര്‍ത്തുമൊരു ഉണര്‍ത്തു പാട്ടായ്
വാക്കുകളില്‍ സ്വപ്നമായ്
സാക്ഷാല്‍ക്കാരങ്ങള്‍ക്കു ശക്തിയായ്
വാനോളം സ്നേഹവും
ഭൂവോളം ക്ഷമയുമായ്
സ്വര്‍ഗം കരുതുമൊരു പാദമായ്
വേണം ഒരു മാതാവ്
ഒന്നുമേ ചിലവില്ലാതെ കണ്ടു ഞാന്‍
"സ്വപ്നം"
ഒന്നുമേ ചെയ്യാതെ കേട്ടു ഞാന്‍
"ആരോപണം"
ചോദിക്കാതെ തന്നെ കിട്ടി
"ഉപദേശം"
ചോദിച്ചപ്പോള്‍ കിട്ടിയേറെ
"വാഗ്ദാനങ്ങള്‍"
കാതോര്‍ത്തു കേട്ടു ഞാന്‍
"ആദര്‍ശം"
കണ്ണു തുറന്നു കണ്ടു ഞാന്‍
"ആര്‍ഭാഡം"
മനസ്സറിഞ്ഞു നല്കി ഞാന്‍
"സ്നേഹം"
ഹ്രിദയം തകര്‍ത്തു തന്നവര്‍
"ദ്രോഹം"
നടക്കില്ലെന്നാലുമിന്നും കാണുന്നു ഞാന്‍
"പായ്കിനാവ്"
കാശ് കാഴ്ക്കുന്ന കശുമാവിനാണോ
ആശയോടെ ജീവിക്കുമീ മനുഷ്യനേക്കാള്‍ വില
നൊന്തുപെറ്റൊരമ്മക്കുമാവില്ല
നരകിക്കുമീ മക്കളെ കണ്ടുനില്‍ക്കാന്‍
നെന്ചേറ്റി വളര്‍ത്തുമൊരച്ചനുമാവില്ല
വികലമാമീ മക്കള്‍ക്കു നേരെ കണ്ണടക്കാന്‍
ആ മുഖങ്ങളിലേക്കൊന്നു നോക്കൂ
നിങ്ങള്‍ക്കവരിലൊരു മകനെയോ മകളെയോ കാണാം
സഹോദരനെയോ സഹോദരിയെയോ കാണാം
ഒരമ്മയെയോ അച്ചനെയോ കാണാം
അതിലുപരിയൊരു പൌരനേയോ പൌരയെയോ കാണാം
അവര്‍ക്കെന്താണിവിടെ ജീവിക്കാന്‍ അവകാശമില്ലെ
ഇവിടെ പിറന്നതാണോ അവര്‍ ചെയ്ത പാപം
വോട്ടു നല്കി സ്ഥാനമാനങ്ങള്‍ നല്കിയവരെ
നോട്ടിനായെന്തിനാണവരെ ഹോമിക്കുന്നത്
ഹിരോഷിമയോര്‍ത്ത് വാചാലമാവാന്‍
നാഗസാക്കിയോര്‍ത്ത് കണ്ണീര്‍ പൊഴിക്കാന്‍
കണ്ണിന്‍ മുന്നിലെ കണ്ണീരു കാണാത്ത നമുക്കെന്തര്‍ഹത?
അന്ത്യമറിയാ യാത്രയില്‍
കാണുന്ന വഴിയേയുമറിയാത്തവഴിയും
വഴിപ്പോക്കനായ് മനുഷ്യന്‍
ജീവിതമെന്തിനായ് ജീവിക്കുന്നതാര്‍ക്കായ്
വിശ്വമെന്ന ക്രിഷിഭൂമിയില്‍
വശ്യമാര്‍ന്നതെല്ലാം നല്കി
പാട്ടം ചോദിക്കാത്തൊരുടയോനായ് ജീവിക്കണം
ഈ ഭൂവില്‍ സ്നേഹത്തിന്‍ വിത്തു പാവണം
സത്യത്തിന്‍ തൈ വളര്‍ത്തണം
ആനന്ദത്തിന്‍ പൂവിടരണം
പ്രാര്‍ത്ഥനയാല്‍ ഫലം നേടണം
ഒരുമയോടെ നാം മുന്നേറണം
പ്രതിഫലം നല്കാനായ് കാത്തിരിക്കുമീ
മണ്ണിന്നുടയോനടുത്തേക്ക്..
Popular Posts
-
shareef akalad Shan Shareef akalad
-
"ഒരു വട്ടം കൂടിയെന് ഓര്മകള് മേയുന്ന തിരുമുറ്റത്തെത്തുവാന് മോഹം തിരുമുറ്റത്തൊരു കോണില് നില്ക്കുന്നൊരാ നെല്ലിമരമൊന്നുലുത്തുവാ...
-
Shan Shereef Shereef Akalad Shanus
-
-
-
Shanus Shan Shereef Shareef akalad
-
അന്ത്യമറിയാ യാത്രയില്‍ കാണുന്ന വഴിയേയുമറിയാത്തവഴിയും വഴിപ്പോക്കനായ് മനുഷ്യന്‍ ജീവിതമെന്തിനായ് ജീവിക്കുന്നതാര്‍ക്കായ് വിശ്വമെന്ന ക്...
-
Shan Shareef Akalad shereef agalad
-
-
Shanu Shan Shareef Akalad shanus shanshereef akalad
ഇതൊരു പ്രതിഭാധനനായ എഴുത്തുകാരന്റെ ക്രിതികളൊന്നുമല്ല,ഭാവിഭൂതവര്‍ത്തമാന കാലങ്ങളിലെ അനുഭവങ്ങളോടുള്ള എന്റെ ആത്മഗഡ്ഗതങ്ങളാണ് കണ്ടെത്തലുകളാണ്,കാഴ്ചപ്പാടുകളാണ്, വേദനകളാണ്,പ്രതീക്ഷകളാണ്.അവയ്ക്കെല്ലാം അക്ഷരരൂപം കൊടുക്കുകയാണിവിടെ കഥകളായും,കവിതകളായും,ലേഖനങ്ങളായും,ഓര്‍മ്മകുറിപ്പുകളായും.അക്ഷരങ്ങളാണെന്റെ കൂട്ടുകാര്‍ അക്ഷരങ്ങളിലാണെന്റെ ആശ്വാസം അക്ഷരങ്ങള്‍ തന്നെയാണെന്റെ ആയുധവും. അക്ഷരങ്ങളെ നന്മയിലേക്കു വഴിതിരിച്ചു വിട്ടവര്‍ക്ക് പുസ്തകങ്ങള്‍ നല്കി വായിക്കാന്‍ പ്രേരിപ്പിച്ചവര്‍ക്കു എഴുതാന്‍ പ്രോത്സാഹിപ്പിച്ചവര്‍ക്കും എന്റെ എളിയ ഈ ക്രിതികള്‍ ഞാന്‍ സമര്‍പ്പിക്കുന്നു.നിങ്ങളുടെ വിലയേറിയ അഭിപ്രായങ്ങളും നിര്‍ദേശങ്ങളും പ്രതീക്ഷിച്ചു കൊണ്ട് നിങ്ങളുടെ സ്വന്തം shareef akalad
