മരണം

ഒരു നാള്‍ ഇനിയും വരും ആ അതിഥി

പ്രതീക്ഷിക്കാതെ ക്ഷണിക്കാതെ

സമ്മതം ചോദിക്കാതെ വരുമവന്‍.

അവനെ വരവേല്‍ക്കാന്‍ നാം

തയ്യാറെടുത്താലുമില്ലെങ്കിലും.

എത്രയോ തവണ അരികത്തും

അയലത്തും അകലത്തും വന്നിട്ടുണ്ടവന്‍.

അവന്‍ വന്നുപോയപ്പോഴൊക്കെ

നാം കരഞ്ഞിട്ടേയുള്ളൂ

അവനെയോര്‍ത്തല്ല,അവന്‍ കൂടെ കൂട്ടിയ

മാതാവിനെയോര്‍ത്ത്,പിതാവിനെയോര്‍ത്ത്

കൂടപ്പിറപ്പിനെയോര്‍ത്ത് കൂട്ടുകാരനെയോര്‍ത്ത്

പൊട്ടിക്കരഞ്ഞു നാം .

ഇനിയും വരുമവന്‍ ഒരാഘാതമായ്

ദുരന്തമായ് ക്ഷോഭമായ് രോഗമായ്.

എവിടെയൊളിച്ചാലും തേടിയെത്തുമവന്‍

നമ്മെ കൊണ്ടു പോവാന്‍ .

നാം അവനെ വരവേല്‍ക്കാന്‍

തയ്യാറെടുത്താലുമില്ലെങ്കിലും.......