ഉറങ്ങണം

ഉറങ്ങണം
എനിക്കൊന്നുറങ്ങണം
ക്ണ്ണടച്ചൊന്നുറങ്ങണം
പേക്കിനാവുകളും
പായ്കിനാവുകളും കാണാതെ
കിഴക്കേ ചക്രവാളത്തില്‍
സൂര്യനുദിച്ചു പടിഞ്ഞാറസ്ത്മിക്കുമ്പോഴും
കണ്ണു മിഴിയാത്തവര്‍ക്കു മുന്നില്‍
കണ്ണടച്ചുറക്കം നടിക്കുന്നവര്‍ക്കു മുന്നില്‍
നിഷ്കള്ങ്കത സ്ഫുരിക്കുന്ന
കഴുകകണ്ണുകള്‍ക്കു മുന്നില്‍
എന്നെന്നേക്കുമായൊന്നുറങ്ങണം
എന്നെ കാത്തിരിക്കുന്നാ മണ്ണില്‍
എനിക്കായൊരുങ്ങുന്ന വീട്ടില്‍
സാമര്‍ഥ്യങ്ങള്‍ വിലപോവാത്ത
പണകിലുക്കത്തിനു മേന്മയില്ലാത്ത
അവകാശങ്ങളില്‍ തുല്ല്യതയാര്‍ന്ന
പണ്ഡിതനും പാമരനുമുറങ്ങേണ്ട
എന്റെ മനസ്സറിയുന്ന
നാഥനെനിക്കായുമൊരുക്കുന്ന വീട്ടില്‍
അഭിമാനത്തോടെയൊന്നുറങ്ങണം
എന്നെന്നേക്കുമായൊന്നുറങ്ങണം

Shereef Akalad

shareef.shameer@gmail.com

http://shareefakalad.blogspot.in