വനവാസമനുഷ്ടിക്കുന്ന സിംഹത്തോട്
നാട്ടിലൊഴിഞ്ഞു കിടക്കുന്ന
സിംഹാസനത്തിലൊന്നിരിക്കാന്‍ പറയാം
നാടിന്റെ കാവല്ഭടന്മാരായ്
നായ്ക്കളെ നിയോഗിക്കാം
നടുറോഡിലിണകൂടുന്നവരെ പ്രോത്സാഹിപ്പിക്കാം
നായ്ക്കളോടുള്ളാദരസൂചകമായി
ഡോഗ്സൌണ്‍കണ്ട്റി എന്ന് പേരു മാറ്റാം
മക്കളെയെല്ലാം ഗോമാതാക്കളേയെല്പ്പിക്കാം
ഗോപിതാവിനെ പാടത്തുപൂട്ടാന്‍ പറഞ്ഞയക്കാം
കോഴിറച്ചിതിന്ന കുറുക്കനെ തടങ്കലിലിടാം
ഇനിമുതല്‍ പോത്തിന്റെ ചെവിയില്‍ വേദമോതാം
പോത്തിറച്ചിതിന്നഞ്ജാത ജീവിയെ തല്ലികൊല്ലാം
മനുഷ്യചെയ്തികളെ "മ്രിഗീയമെന്നു"
വിളിക്കുന്നവര്‍ക്കെതിരെ കേസെടുക്കാം
നമുക്കെല്ലാം ഒരു "ഗര്‍വാപ്പസി" പോകാം
പാക്കിസ്താനിലേക്കല്ലാ വനാന്തരങ്ങളിലേക്ക്
ഉടുക്കാനുടുപ്പും കിടക്കാന്‍കിടക്കയും
മണിമാളികകളുമില്ലാത്ത ഗുഹകളിലേക്ക്
ആപഴയകരിങ്കല്‍ യുഗത്തിലേക്ക്
പരസ്പരം തിന്നാതെയുള്ളത് കൊണ്ട്
ഓണമ്പോലെ ജീവിച്ച കാലഘട്ടത്തിലേക്ക്
അവിടെ നമുക്ക് മരമാതാവിന്റെ
കായ്മണികള്‍ തിന്നുജീവിക്കാം
മരാവകാശകമ്മീഷന്‍ വരും വരേ
അല്ലേല്‍ മ്രിഗാവകാശങ്ങളേക്കാള്‍
മനുഷ്യാവകാശം വളരും വരേ....
http://shareefakalad.blospot.in
0 comments:
Post a Comment